Hüttawartin isch min Traumjob, wil: di ruig Stimmig unbeschriblich und atemberaubend isch, die Hektik vom Tal do obe wiit weg isch und mer üsi aigne Cheffe chönd sii
min Geburtstag: 7.5.94
glernte Bruef: Bäcker/Konditorin
do chumi her: Oberegg AI
mis Lieblingsessa: Schinkegipfeli, Chips
mini Hobbis: Wandere, Bache, Baschtle, Skifahre
Lieblingsplätzli ufde Hütta: de gross Ligestuehl-Stai am Bach vom Val Müra
machi am liebschte uf de Hütte: koche&bache
machi gar nöd gern: End-Saison-Hütte-Putz
kochi am liebschte för dGäscht: Ghackets&Hörnli
do lupfts mir de Deckel: wenn i e Allergiker-Menü koch (absolut kai Problem), und de Allergiker sich den zum Dessert en "unmögliche" Kueche gönnt
mini liebschti Johreszit: Früehlig im Unterland, Herbscht ide Berge
Wenn i e Tier chönt si: Adler
da machi ide Zwüschesaison: Skilehrerin, Stirnbänder naiie, ab id Feeri

Hüttawart isch min Traumjob, wil: s für mi nüt schöners git als bi dera Ussicht und i de Natur zschaffa und dLüt glücklich zmacha
min Geburtstag: 20.11.94
glernta Bruaf: Schriiner
do chumi her: Pontresina GR
mis Lieblingsessa: Raclette & Riis Casimir
mini Hobbies: tüftle, werka, Skifahra, Berga gnüssa
Lieblingsplätzli ufda Hütta: vom Muot Ot is Tal aba luaga und Kraft tanka
machi am liebschte uf da Hütta: mit de Gäscht pläuderla
machi gar nid gern: betta
kochi am liebschte fürd Gäscht: Pizzocheri
do lupfts mir de Deckel: wenn sWC überlauft und üs niemert Bschaid git
mini liebschti Johreszit: goldiga Herbscht im Engadin & Winter
Wenn i a Tier könnt si: Mungg
das machi ida Zwüschasaison: im Winter bini Schnaiier am Rinerhorn und im Früehlig goni go raisa